SIMBAHANG KATOLIKO PILIPINO KRISTIYANO, DAMBANA NG PAGKABUHAY HISTORY

Sabi ni Father Melquiades Sepe

Sabi ni Father Melquiades Sepe, 
Kura Paroko ng Dambana ng Pagkabuhay, 
Barangay Sauyo, Quezon City, 
Sa Homiliya Ngayong Miyerkules, 
Ika-24 na Linggo sa Karaniwang Panahon, 
Perpetual Help Mass:

"Kung mahal mo ang Diyos,Iyong Sarili at Iyong Kapwa, Gawin Mo, Huwag mo lang itong Sabihin."

SKPK NOBENARIO NG SIETE DOLORES - ANG PITONG HAPIS NG MAHAL NA BIRHENG MARIA

ANG UNANG HAPIS:  Ang Propesiya ni Simeon tungkol sa Sanggol na Hesus (Lucas 2:34-35) 

>Napakasakit para kay Maria ang mga sinabi ni Simeon tungkol kay Hesus. Noong sinabi ni Simeon ang mga salitang "Ang iyong puso ay para na ring tinarakan ng isang balaraw," ang ibig sabihin noon ang misyon ni Kristo dito sa lupa ay magdadala ng sakit sa puso ng Mahal na Ina. 

>Hindi lamang sakit sa puso ni Maria ang dulot ng mga salita ni Simeon. Nag-alala siya para sa Panginoon. Sino bang ina ang hindi mag-aalala para sa kanyang anak? Ganun din si Maria. Nag-aalala para sa kapakanan ng kanyang anak. Kahit ang kanyang anak ang Tagapagligtas ng sanlibutan, bilang ina, siya'y nag-aalala para sa kanya. 

ANG IKALAWANG HAPIS:  Ang Pagtakas patungo sa Ehipto  (Mateo 2:13)

 >Noong dumating ang Tatlong Pantas sa Betlehem, tinanong nila kay Herodes kung nasaan ang lugar ng kapanganakan ng Mesiyas. Si Herodes, natakot. Natatakot si Herodes na maagawan ng kapangyarihan mula sa bagong Haring ito. Gusto niyang manatili sa kanyang posisyon at ayaw niyang maagaw ito. Kaya, bago umalis ang Tatlong Haring Mago, inutusan sila ni Herodes na sabihin sa kanya kung saan ang lugar ng kapanganakan ng Mesiyas. 

>Pero, noong hindi bumalik ang Tatlong Pantas, nagalit si Herodes at pinag-utusan niyang patayin ang mga sanggol o batang lalaki na may gulang na dalawang taon o pabababa. Doon, makatitiyak siya na walang sanggol na lalaki ang aagaw sa kanyang pwesto bilang Hari. Pero, hindi niya pinatay ang Mesiyas, ang kanyang kinatatakutan. 

ANG IKA-3 HAPIS: Ang Paghahanap kay Hesus sa Templo sa Herusalem (Lucas 2:43-45)

 >Tatlong araw nawala si Hesus sa piling nina Maria at Jose. Nagpaiwan si Hesus sa Herusalem na hindi nalalaman nina Jose at Maria. Noong nalaman ng mag-asawang sina Maria at Jose na hindi kasama si Kristo sa kanilang mga kakilala, kamag-anak, o kaibigan,  Sila'y nag-aalala para sa kapakanan ni Hesus. Doon nila nalaman na ang Panginoon ay nagpaiwan sa Herusalem.

>Tatlong araw nag-alala si Maria. Natakot siya kasi baka may masamang mangyari sa anak niya. Tatlong araw silang naghahanap. Kahit matagal silang naghanap, hindi sumuko si Maria sa paghahanap kay Hesus, kahit ang ibig sabihin noon, tatlong araw nilang hahanapin si Hesus.

ANG IKA-4 NA HAPIS: Ang Pagkakita nina Hesus at Maria sa daang patungong Kalbaryo. 

>Hindi naging masaya ang pagkakita ng Panginoong Hesukristo sa Mahal na Birheng Maria. Nang magkita sina Hesus at Maria, si Hesus ay may pinapasang krus at nakasuot ng koronang tinik. Dugo'y dumadaloy mula sa mukha ng Panginoon. Napakalungkot ni Maria nang makita niya ang mukha ni Kristo na labis na nagdurugo dahil sa koronang tinik. 

>Sino bang ina ang hindi malulumbay kapag nagkita sila ng kanyang anak na sinasaktan at pinaparusahan, kahit wala naman siyang ginawang kasalanan? Walang ina ang nais makita ang kanyang anak na sinasaktan. Kapag sinasaktan ang kanyang anak, nasasaktan rin ang ina. 

 ANG IKA-5 HAPIS: Si Maria sa paanan ng krus ni Hesus  (Juan 19:25) 

 >Ito ang pinakamasakit na pangyayari para sa mga ina. Nakikita ang anak na unti-unting namamatay sa kanyang paningin. Lubos siyang malulumbay habang minamasdan niya ang kanyang anak na unti-unting namamatay. Napakasakit para sa mga ina na makita ang anak na namamatay sa tabi nila. 

>Naranasan po ito ni Maria noong si Hesus ay ipinako sa krus sa Kalbaryo. Napakasakit para sa kanya. Ang puso ni Maria'y nagdurugo dahil sa pamamagitan ng pagsaksi sa kamatayan ni Kristo, siya'y tinusok ng isang espada. 

ANG IKA-6 NA HAPIS: Si Hesus ay binaba mula sa krus.
  
 >Tapos na. Sa wakas, natapos na ang paghihirap ni Hesus. Ibinaba na ang Kanyang katawan mula sa krus. Ngayon, ibinigay na ang Kanyang bangkay kay Maria, ang Inang nagdadalamhati. 

>Nais iduyan ng Mahal na Ina ang Panginoon. Nais niyang awitan ang Panginoon. Pero, ang katawan ng Panginoon ay wala nang buhay. Wala nang hininga ang Mesiyas. Naganap na ang misyon ni Kristo. Namatay na ang Panginoon. 

ANG IKA-7 NA HAPIS:Ang Paglilibing kay Hesus

 >Ililibing na ang Panginoon. Natapos na ang paghihirap ng Panginoon. Mag-isa na ang Mahal na Ina. Si San Juan Apostol ang mag-aalaga sa kanya dahil inihablin siya ng Panginoong Hesus sa Mahal na Inang Maria. 

>Kahit namatay si Hesus sa krus, hindi nawalan ng pananalig si Maria. Kahit napakahirap ang pinagdadaanan niya, hindi siya nawalan ng pag-asa at pananalig sa Diyos. Nananalig siya na may bukas pa. May pag-asa pa. 

Tuwing Biyernes, Novena para sa Mahal na Birhen ng Hapis ng Simbahang Katolikong Pilipino Kristiyano

Sept. 15 - Kapistahan ng Mahal na Birhen ng Hapis

Panalangin para sa Mahal naBirhen ng Hapis ni Brother  Michael Mazz Miranda

“Aba Ginoong Maria, Napupuno ka ng Hapis,ang Nagpakasakit na ipinako sa Krus ay Sumasaiyo,bukod Kang Namighati sa babaeng lahat at tanging kaisa ka naman sa Mahal na Pasion ng iyong anak na si Hesus .”

“Santa Maria Ina ng Manunubos, Bahagian mo kami ng iyong Pagpapakasakit.Ipanalangin kaming mga makasalanan na naging dahilan ng pagkapako Niya sa Krus ngayon at sa oras ng aming kamatayan. Amen.”

-Dasalin ang Tig-Isang Ama Namin, Aba Ginoong Maria at Luwalhati.

Nuestra Senora De Los Dolores Esperanza De Sauyo, 

Ipanalangin mo kami...

Unang Pagbasa mula sa Mga Gawa 10:34a, 37,43

" Ang Pagkabuhay ni Hesus ay ang puso ng 'kerygma' ng mga unang Kristiyano. Ito ay ang pagpapahayag ng pagliligtas ng Diyos sa pagtatagumpay ni Hesus laban sa kamatayan."

                            

              Pagbasa mula sa mga Gawa ng mga Apostol

"Noong mga araw na iyon, Nagsalita si Pedro, "Alam ninyo ang nangyari sa boung Judea na nagsimula sa Galilea nang mangaral si Juan tungkol sa binyag. Ang sinasabi ko'y tungkol kay Hesus na taga-Nazaret. Ipnagkaloob sa kanya ng Diyos ang Espiritu Santo at ang kapangyarihan bilang katunayan na siya nga ang Hinirang. Sapagkat sumasakanya ang ang Diyos, saanman siya pumaroon ay gumagawa siya ng kabutihan at nagpapagaling sa lahat ng pinahihirapan ng diyablo. Saksi kami sa lahat ng ginawa niya sa lupain ng mga Judio at sa Jerusalem. Gayunman, siya'y ipinako nila sa krus. Ngunit muli siyang binuhay ng Diyos sa ikatlong araw. Nagpakita siya, hindi sa lahat ng tao kundi sa amin lamang na noon pang una'y pinili na ng Diyos bilang mga saksi. Kami ang nakasama niyang kumain at uminom pagkatapos na siya'y muling mabuhay. Inatasan niya kaming mangaral sa mga tao at magpatotoo na siya ang itinalaga ng Diyos na maging hukom ng mga buhay at mga patay. Siya ang tinutukoy ng mga propeta nang kanilang ipahayag na bawat mananalig sa kanya ay tatanggap ng kapatawaran sa kanilang mga kasalanan, sa pamamagitan ng kanyang pangalan."

>Ang Salita ng Diyos

Bayan>Salamat sa Diyos

                                                       

Mabuting Balita ayon Kay San Juan 8:1-11

            

                               > "Noong panahon iyon, si Hesus ay pumunta sa Bundok ng mga Olibo, Kinaumagaha'y nagbalik siya sa templo. Lumapit sa kanya ang lahat, kaya't umupo siya at sila'y tinuruan. Noo'y dinala sa kanya ng mga Eskriba at mga Pariseo ang isang babaing nahuli sa pakikiapid. Ayon sa Kautusan ni Moises, dapat batuhin hanggang sa mamatay ang mga gaya niya. "Ano ang masasabi mo?" Itinatanong nila ito upang subukin siya, nang may maisumbong sila laban sa kanya. Ngunit yumuko si Hesus at sumulat sa lupa sa pamamagitan ng daliri. Ayaw nilang tigilan nang kakatanong si Hesus, kaya't sila'y tiningnan niya at sinabi ang ganito, "Sinuman sa inyo na walang kasalanan ang siyang maunang bumato sa kanya." at muli siyang yumuko at sumulat sa lupa. Nang marinig nila ito, sila'y isa-isang umalis, simula sa pinakamatanda. Walang naiwan kundi si Hesus at ang babaing naroon pa rin sa harapan niya. Tiningnan siya ni Hesus at tinanong: "Nasaan sila? Wala bang nagparusa sa iyo?" "Wala po, Ginoo", sagot ng babae. Sinabi ni Hesus: "Hindi rin kita parurusahan. Humayo ka, at huwag nang magkasala."

> Ito ang Mabuting Balita ng Panginoon.
Bayan: Pinupuri ka namin, Panginoong Hesukristo.

> Sipi sa Mabuting Balita ng Sambuhay, Marso 17, 2013, Linggo, Ika-5 Linggo ng Kuwaresma, K

Mabuting Balita ng Panginoon ayon kay San Lucas 3:15-16, 21-22

                                  Noong Panahong Iyon, naghahari sa mga tao ang pananabik sa pagdating ng Mesiyas at ng akala ng marami’y si Juan ang kanilang hinihintay. Kaya’t sinabi ni Juan sa kanila, “Binibinyagan ko kayo sa tubig, ngunit ang darating na kasunod ko ang magbibinyag sa inyo sa Espiritu Santo at sa apoy. Siya’y makapangyarihan kaysa akin, at ni hindi ako karapat-dapat magkalag ng tali ng kanyang panyapak.”                                  

                                     Nabinyagan na noon ang lahat ng tao, gayun din si Hesus. Nang siya’y nananalangin, nabuksan ang Langit at bumaba sa kanaya ang Espiritu Santo sa anyong kalapati. At isang tinig mula sa langit ang nagsabi, “Ikaw ang minamahal kong Anak; lubos kitang kinalulugdan.”

-Ang Mabuting Balita ng Panginoon.
Tugon: “Pinupuri ka namin, Panginoong Hesukristo.


Mula sa Sambuhay, Enero 13, 2013, Linggo,  Kapistahan ng Pagbibinyag sa Panginoon, K, Puti.