> Noong panahong iyon, nagsalita si Hesus sa sinagoga:
“Natupad ngayon ang bahaging ito ng kasulatan samantalang nakikinig
kayo.” Pinuri siya ng lahat, at namangha sila sa kanyang napakahusay na
pananalita. “Hindi ba ito ang anak ni Jose?” tanong nila. Kaya sinabi
ni Hesus, “Walang pagsalang babanggitin ninyo sa akin ang kawikaang ito:
“Doktor, gamutin mo ang iyong sarili!,” Sasabihin din ninyo sa akin,
“Gawin mo naman sa iyong sariling bayan ang mga nabalitaan naming ginawa
mo sa Capernaum.”
> At nagpatuloy sa pagsasalita si Hesus, :Tandaan ninyo:
walang propetang kinikilala sa kanyang sariling bayan. Ngunit sinsabi ko
sa inyo: maraming babaing balo sa Sarepta, Sa Lupain ng Sidon. Sa
dinami-dami ng mga ketongin sa Israel noong kapanahunan ng Eliseo,
walang pinagaling isa man sa kanila; si Naaman pang taga-Siria ang
Pinagaling.”
> Galit na galit ang lahat ng nasa sinagoga nang marinig
ito. Nagtindigan sila, at pinagtabuyan siyang palabas, sa taluktok ng
burol na kinatatayuan ng bayan, upang ibulid sa bangin. Ngunit dumaan
siya sa kalagitnaan nila at umalis.
> Ang Mabuting Balita ng Panginoon.
> Pinupuri ka namin, Panginoong Hesukristo.
>” Sipi mula sa orihinal na teksto ng Mabuting Balitang
Biblia ng Sambuhay, Taon 26, Blg. 42, Ika-4na Linggo sa Karaniwang
Panahon (K) Berde. Pebrero 3, 2013″
No comments:
Post a Comment